December 10, 2008

Napakalapit ng aking pamilya sa isa’t isa.  Dalawa lamang kaming magkapatid at mga bata pa nang maulila sa ama.  Hindi galing sa mayamang pamilya ang aking ina ngunit nagawa niyang bigyan kami ng aking kapatid ng mga mahahalagang regalo: mga bagay na hindi nabibili ng salapi at gayun din naman paminsan-minsan ang mga bagay na materyal.  Nang kami ng aking kapatid ay magkaroon na ng kani-kaniyang pamilya, naging daan lamang iyon upang lalo pang maging malapit ang aming pamilya sa isa’t isa at ang aming ina ang aming sentro.

Mahilig kaming magbakasyon nang sama-sama at kadalasan ay sa Tagaytay o Baguio kami napapadpad.  Ngunit noong 2005, pinalad kaming sama-samang makapagbakasyon sa ibang bansa.  Sampu kaming lahat at siyempre pa, sagot ng aming ina.  Hehehe.   Ang aming destinasyon?  Kuala Lumpur sa Malaysia!

Bago pa lamang noon ang Air Asia, tinaguriang budget airline.  Sa Macapagal Airport sa Clark, Pampanga nanggagaling ang mga biyahe mula Pilipinas papunta sa Malaysia.  At noong panahong kami’y nagbakasyon, wala pang limang libong piso ang pamasahe ng isang tao!  Talaga namang murang-mura!  Kung hindi ako nagkakamali, P3500 lang yata ang pamasahe ng bawat isa!

Masaya kaming naglibot sa Kuala Lumpur.  Pinuntahan siyempre namin ang Petronas Twin Towers na noong panahong iyon ay siya pang pinakamataas na mga gusali sa mundo.

Ang larawang ito ay kuha sa harap ng palasyo ng Hari.  Nagarkila lamang kami ng isang van at tsuper para kami’y ipagmaneho.  Ok na rin kahit hindi siya magaling na tour guide.  Haha.

Ito naman ay kuha sa isang templo.

Pangarap at dinadasal namin na sana’y sa labas ng Asya naman kami sama-samang makapagbakasyon sa susunod. At kami na ang manlilibre sa aming Ina! Marapat lamang na makabawi naman kami ng kaunti sa mga mahahalagang regalong ipinapaulan niya sa amin!

Isa pang lahok para sa Litratong Pinoy DITO.

Mabuhay!

My little girl got really busy trying to make something with the green and red doughs she got during a mall activity.  She’s always been very creative.

Happy Wednesday!